គ្រូឈុតស៊ីហ្គេមរបស់ថៃ ត្រៀមបែងចែកកូនក្រុមជា២ ផ្សេងគ្នាទៅប្រកួតលើឆាកអន្តរជាតិ មុនចេញទៅម៉ាឡេស៊ី
លោក Woorawoot Srimaka គ្រូបង្វឹកក្រុមបាល់ទាត់ផ្នែកបុរស ក្រោមអាយុ២៣ឆ្នាំរបស់ប្រទេសថៃ ត្រៀមបែងចែកកូនក្រុមជា២ផ្សេងគ្នាដើម្បីចូលរួមប្រកួតក្នុងការប្រកួតលើឆាកអន្តរជាតិ ចំនួន២មុនចេញទៅប្រកួតកីឡាស៊ីហ្គេម ឆ្នាំ២០១៧ នៅប្រទេសម៉ាឡេស៊ី។
ក្រុមទី១របស់ U-23 នេះនឹងចូលរួមប្រកួតក្នុងពានរង្វាន់Dubai Cup ដែលធ្វើឡើងនៅប្រទេសអារ៉ាប់រួម ជាមួយក្រុមម្ចាស់ផ្ទះ កូរ៉េខាងជើង និងក្រុមសិង្ហបុរី ខណៈក្រុមឈុតទី២ ត្រូវចូលរួមប្រកួតក្នុងពានរង្វាន់មួយទៀតជាមួយចិន ហ្សកដានី អារ៉ាប៊ីសាអូឌីត និងម៉ាឡេស៊ី។ ពានរង្វាន់អន្តរជាតិទាំង២នេះរៀបចំឡើងនៅខែមីនា ខាងមុខដំណាលគ្នា។
ស៊ីហ្គេម ឆ្នាំ២០១៧ នេះនឹងរៀបចំឡើងនៅខែសីហា ខាងមុខ ស្របពេលក្រុម U-23 របស់ថៃ ជាក្រុមការពារតំណែងជើងឯកឆ្នាំចាស់ ក្រោយយកឈ្នះលើក្រុមមីយ៉ាន់ម៉ា ដោយលទ្ធផល ៣ទល់០ ក្នុងវគ្គផ្ដាច់ព្រ័ត្រដណ្តើមមេដាយមាស កាលពីឆ្នាំ២០១៥ នៅប្រទេសសិង្ហបុរី៕
Comments
Post a Comment